هەواڵ

بافڵ تاڵه‌بانی: له‌مه‌ودوا سیاسه‌تی پاداشت و سزا په‌یڕه‌و ده‌كه‌ین

ئاژانسی نها...

بافڵ تاڵه‌بانی رایگه‌یاند، سلێمانی سەنتەری گۆڕانکاری و خزمەتکردن و گەیاندنی دەستی ئاوەدانی زیاتردەبێت.

لەبارەی سیاسیەتی نوێی یەکێتی بۆ کاری رێکخراوەیی و پێداچونەوە بەکۆی جومگەکان و ئاڕاستە سیاسی و خزمەتگوزارییەکان ھاوسەرۆکی یەكێتی دوپاتی لەسیاسەتێکی نوێ کردەوە بۆ بەڕێوەبردن و گەشەپێدانی ئۆرگانەکان و خزمەتکردنی کۆمەڵانی خەڵک لەو ڕوەوە تەئکیدیکردەوە رێکخستنەکانی یەکێتی بڕبڕەی ئەو نوێبونەوەن و رایسپاردن کە کادری یەکێتی ئەبێت کادری بەرپرسیارو نەوعی و خزمەتکار بێت و یەکێتی بێت بۆ خزمەتکردن و ئاوەدانی و رایگەیاند چیتر رێگەنادرێت بەناوی یەکێتییەوە کادرو لێپرسراو لەسەر ئاستی حزبی و حکومی یەکێتی بۆ مەرامی شەخسی بەکاربێنێت، بۆیە پێویستە کادری یەکێتی و نوێنەرەکانمان لەحکومەتدا خزمەتکاری راستەقینەی ھاوڵاتی بن و بەرپرسیاربن بەرامبەر داوکاری و خواستەکانیان و لەسەر ئاستی ئۆرگانەکانیش ئەبێت مەڵبەندو کۆمیتەکان ماڵی ھەمو لایەک بێت و بەبێ بیرکردنەوەی حزبی  بەدەم داواکارییەکانیانەوە بچن و ببنەپارێزەری جێبەجێکردنی خواستەکانیان .

بافڵ تاڵەبانی تەئکیدیکردەوە سلێمانی سەنتەری گۆڕانکاری و خزمەتکردن و گەیاندنی دەستی ئاوەدانی زیاتردەبێت و نوێنەرەکانیشمان لەحکومەتی خۆجێیی راسپاردوە بەگڕوتینێکی نوێوە خزمەتبکەن و کەمتەرخەمی لەھیچ کەسێک لەبەرامبەر خزمەتکردنی سلێمانی قبوڵناکرێت و ئیتر لەمەودواش سیاسیەتی پاداشت و سزا پەیڕەودەکەین و کەسی شیاو سەرکەوتو دەھێنینە پێشەوە.

 
2020-10-22
زیاتر...