ئەمریکا دوا بریار لەسەر ئەنجامدانی هەڵبژاردن لە کوردستان دەدات
نها نیوز - هەواڵەکان
لەبارەی ئەنجامدانی هەڵبژاردنی خولی شەشەمی پەرلەمانی کوردستان جۆ بایدن سەرۆکی ئەمریکا پاڵپشتیی ویلایەتە یەكگرتووەكانی دەربڕیووە بۆ ئەنجامدانی هەڵبژاردنێكی ئازاد و دادپەروەر و بێخەوش لە هەرێم.
راگەیەندراوی هاوبەشی نێوان سەرۆكی ئەمریكا و سەرۆك وەزیرانی عێراق لە كۆشكی سپی، جۆ بایدن سەرۆکی ئەو وڵاتە وتی "هەرێمی كوردستان بەشێكی دانەبڕاوە لە خۆشگوزەرانیی و سەقامگیریی سەرتاسەری لە عێراق".
لەبارەی مووچەی مووچەخۆرانی هەرێمیشەوە، بایدن ئاماژەی بە هەوڵەكانی سەرۆك وەزیرانی عێراق و حكومەتی هەرێمی كوردستان كردووە بۆ گەیشتنە چارەسەری كێشەكان، لەناویشیاندا رێوشوێنەكانی خەرجكردنی مووچەی مووچەخۆرانی هەرێم.
پەیوەست بە ئەنجامدانی هەڵبژاردنیشەوە، سەرۆکی ئەمریکا پاڵپشتیی ویلایەتە یەكگرتووەكانی دەربڕیووە بۆ ئەنجامدانی هەڵبژاردنێكی ئازاد، دادپەروەر و بێخەوش لە هەرێمی كوردستان.
لەسەر دەستپێکردنەوەی هەناردەکردنەوەی نەوتی هەرێم، جۆ بایدن و سەرۆك وەزیران خواستی خۆیان نیشاندا لەسەر سەرلەنوێ هەناردەی نەوت لەڕێی بۆرییەكانی توركیاو عێراق
ئ.ز
|