خۆپیشاندانی عەرەب دژی کورد دەستیپێکرد
ژمارەیەک عەرەبی هاوردە لە پەلکانەی سنووری کەرکووک دژی جووتیارانی کورد خێوەت هەڵدەدەن و مان دەگرن. جووتیارانی کوردیش بۆ رێگریی لەو هەوڵەیان، گردبوونەتەوە.
هێزێکی زۆری سوپای عێراق بۆ کۆنترۆڵکردنی دۆخەکە چوونەتە گوندی پەلکانە لە سنووری ناحیەی سەرگەڕان. هێزەکە دەیانەوێت رێگریی بکەن لە دروستبوونی گرژی لەنێوان جووتیاران و عەرەبی هاوردە.
گوندی پەلکانە دەکەوێتە رۆژئاوای کەرکووک و سەر بە شارەدێی سەرگەڕانە. لە دوای رووداوەکانی 16ـی ئۆکتۆبەری 2017ـەوە، عەرەبی هاوردە هەوڵی دەستبەسەرداگرتنی زەویی جووتیارانی کورد دەدەن.
هاوردەکان ماوەی پێنج ساڵە هەشت خانوویان لە پەلکانە داگیر کردووە، لەپاڵ ئەو هەشت خانوەوە دەیان خەڵکی دیکەیان هێناوەتە سنوورەکە.
|