سودانی بڕیارێکی لەناوکاوی دا
نها نیوز - هەواڵەکان
سەرۆک وەزیرانی عێراق لەبارەی گرووپە چەکدارە شیعەکانەوە ئاماژە بەوە دەکات، کە دەبێت هەموو هێزەکانی ئەمریکا و هاوپەیمانان دەربچن لە وڵاتەکەی.
محەمەد شیاع سودانی، سەرۆک وەزیرانی عێراق لەبارەی چەکدانانی گرووپە چەکدارە شیعەکانی عێراق لە پەیامێکدا وتویەتی "ئەو بابەتە پەیوەندی بەکشانەوەی تەواوەتی هێزەکانی ئەمریکا و هاوپەیمانانەوە هەیە لە خاکی عێراق".
سودانی وتوشیەتی "هەموو لایەنەکانی عێراق کۆدەنگیمان هەیە لەسەر ئەوەی پێویستە چەک لەدەرەوەی دەوڵەت و دامەزراوەکانیەوە نەمێنێت".
ئاماژەی بەوەشکردووە، پێویستە چەک لە دەرەوەی دەوڵەت نەمێنێت و گرووپە چەکدارەکان تێکەڵی دانەزراوە ئەمنیەکان بکرێن.
ئەوەیش لەکاتێکدایە، بەردەوام بەرپرسانی ئەمریکا و لەم رۆژانەی رابردووشدا مارک ساڤایا نوێنەری ترەمپ بۆ عێراق داوای کۆتایی هاتن و هەڵوەشاندنەوەی گرووپە چەکدارەکانی عێراق دەکات و رایگەیاند، شوێنێک بۆ ئەو گرووپانە نیەو نەماوە.
|