دوای چوار ساڵ ئۆجەلان خانەوادەکەی بینی

نها نیوز - هەواڵەکان 

دوای 43 مانگ لە گۆشەگیریی و نەزانینی باروودۆخی عەبدوڵا ئۆجەلان بنەماڵەکەی چاویان پێی کەوت.

عومەر ئۆجەلان، نوێنەری دەم پارتی و برازای  ئۆجەلان لەنوسراوێکدا لە تۆڕی ئیکس نوسیویەتی "دوایین دیداری رووبەڕوو لەگەڵ بەڕێز عەبدوڵا ئۆجەلان لە 3ی ئازاری 2020 بوو. وەک بنەماڵە دوای چەندین ساڵ لە 23ی ئۆکتۆبەری 2024 لەگەڵ بەرێزیان دیدارمان کرد".

عومەر ئۆجەلان وتوشیەتی "دەمانەوێت سەردانی بەردەوامی بنەماڵە بۆ لای بەڕێز ئۆجەلان کە مافێکی یاساییە بەبێ گوێدانە بارودۆخەکە بەردەوام بێت".

برازاکەی ئۆجەلان هێما بۆ ئەوەش دەکات "هیوادارم دیداری ئێمە وەکو خانەوادە لەگەڵ عەبدوڵا ئۆجەلان بەردەوام بێت".

جێی ئاماژەیە، لە ماوەی 43 مانگی رابردوودا تورکیا گۆشەگیریی توندی بەسەر ئۆجەلاندا سەپاند و هەرجارە بە بیانوویەک داواکاری پارێزەران و بنەماڵەی بۆ دیدار و چاوپێکەوتن لەگەڵیدا رەتکردووەتەوە.