بکوژانی راوێژی تەمەن ١٣ ساڵان سزا دران

ئاژانسی نها...

بەیانی ئەمڕۆ دادگای سلێمانی بكوژێكی ڕاوێژ ساڵح ئەو مێرمنداڵەی لە کەنەکەوە کوژرا، بە 15 ساڵ زیندانیكردن‌ و بكوژێكی دیكەیانی بە زیندانی هەتاهەتایی سزادا، كەسوكاری مێرمنداڵەكەش بڕیارەكە ڕەتدەكەنەوە‌ و داوای لەسێدارەدانی بكوژەكان دەكەن.

دوای نزیكەی پێنج مانگ لە كوشتنی مێرمنداڵێكی تەمەن 13 ساڵ بەناوی ڕاوێژ ساڵح، لە گەڕەكی كەنەكەوەی شاری سلێمانی, لەلایەن دوو مێردمنداڵی هاورێی خۆیەوە بەبەرد ئەمڕۆ دادگای سلێمانی, بڕیاری 15 ساڵا زیندانیكردنی بۆ یەكێك لە بكوژەكانی دەركرد كە تەمەنی لەخوار 18 ساڵەوەیە و بكوژەكەی دیكەشیان كە 18 ساڵی تەواو كردووە بە زیندانی هەتاهەتایی سزادا.

دوای بڕیاری دادگا کەسوکاری راوێژی تەمەن ١٣ ساڵ لە کۆنفرانسێکی رۆژنامەوانیدا، بڕیاری دادگیان رەتکردەوە و داوای لە سێدارەدانی بکوژانی کوڕەکەیان کرد.