خواردنی چەند ژەم لەنێوان بەربانگ و پارشێودا تەندروستە؟

نها نیوز - هەواڵەکان

بەپێی وتەی دكتۆر هاوار نەقشبەندی پزیشکی پسپۆڕ رایدەگەیەنێت، لەنێوان بەربانگ و پارشێودا، بەگشتی باشترە دوو بۆ سێ ژەم یان خواردنی کەم بخورێت بۆ ئەوەی دڵنیا بیت لەوەی، کە ماددە خۆراکییەکانی پێویستت دەستدەکەوێت و بە درێژایی ماوەی ڕۆژووگرتنەکە تێر بمێنیتەوە.

دكتۆر هاوار نەقشبەندی، پزیشکی پسپۆڕی نەخۆشییەکانی مەمک و غودە و کۆئەندامی هەرس و نازوور لە نوسینێكدا دەڵێت "چەند ژەم خواردن لەنێوان بەربانگ و پارشێودا بخورێت تەندروستە؟ دەقی نووسینەكەی بەمجۆرەیە:-

لەنێوان بەربانگ و پارشێودا، بەگشتی باشترە دوو بۆ سێ ژەم یان خواردنی کەم بخۆیت بۆ ئەوەی دڵنیا بیت لەوەی، کە ماددە خۆراکییەکانی پێویستت دەستدەکەوێت و بە درێژایی ماوەی ڕۆژووگرتنەکە تێر بمێنیتەوە.

لێرەدا پێتان دەڵێین چۆن پلانی بۆ دابنن:

 بەربانگ:

بەشتێکی سووک دەستپێبکە، وەک ئاو و چەند خورمایەک، بۆ ئەوەی رۆژووەکەت بشکێنیت.

دوای ئەوە بە ژەمێکی هاوسەنگ، کە پرۆتین (مریشک، ماسی، فاسۆلیا)، کاربۆهیدراتی ئاڵۆز (دانەوێڵەی تەواو یان برنجی پڵاو)، چەوری تەندرووست (ئەڤۆگادۆ، زەیتی زەیتون، گوێز)، و سەوزە لەخۆدەگرێت. ئەمەش یارمەتی پڕکردنەوەی وزە دەدات و بۆ ماوەیەکی زیاتر تێر دەمێنیتەوە.

خواردنی کەم لەنێوان بەربانگ و پارشێودا:

ئەگەر لەنێوان بەربانگ و پارشێودا برسی بوویت، خواردنێکی کەم بخۆ کە پرۆتین و ڕیشاڵی زۆری تێدایە بۆ پاراستنی ئاستی وزە و ڕێگریکردن لە زیادەڕۆیی لە خواردن دواتر.

پارشێو:

گرنگیدان بەو خۆراکانەی کە بەهێواشی هەرس دەبن و وزەی بەردەوام لەڕۆژدا دەبەخشن. ئەمەش دانەوێڵەی تەواو و پرۆتین و چەوری تەندرووست و بڕێکی زۆر لە ڕیشاڵەکان دەگرێتەوە.