سوپای لوبنان بۆ ئاوارەکانی وڵاتەکەی: پەلە مەکەن لە گەڕانەوە
نها نیوز – هەواڵەکان
پاش راگەیاندنی ئاگربەست لەنێوان سوپای ئیسرائیل و حزبوڵای لوبنان و گەڕانەوەی هەزاران ئاوارە بۆ ناوچەکانیان لە باشووری لوبنان، سوپای ئەو وڵاتە داوا لە ئاوارەی شارۆچکە سنوورییەکان دەکات، پەلە نەکەن لە گەڕانەوە بۆ زێدی خۆیان، تاوەکو سوپای ئیسرائیل لێی دەکشێتەوە.
سوپای لوبنان لە راگەیەندراوێکدا دەڵێت، ئەوان رێکاری پێویست دەگرنەبەر بۆ تەواوکردنی بڵاوەپێکردنی سەربازانی خۆیان لە باشووریی بەیروت وەک ئەوەی لە ئاگربەستدا ئاماژەی پێکراوە بۆ سەقامگیری و ئارامیی ناوچەکان.
ئەمە لەکاتێکدایە، بەرەبەیانی ئەمڕۆ چوارشەممە، سوپای ئیسرائیل هۆشداریی دابووە ئاوارەکانی باشووری لوبنان لە گەڕانەوە و نزیکبوونەوە لە ماڵ و ناوچەکانی خۆیان.
|