کەشتییەکی میسری بە 45 سەرنشینەوە نقومبوو
نها نیوز – هەواڵەکان
ئەمڕۆ کەشتییەکی گەشتیاریی میسری کە 45 سەرنشینی تێدابوو لە دەریای سووردا نقومبوو.
میدیا عەرەبییەکان بڵاویانکردەوە، ئەمڕۆ دووشەممە کەشتیەکی گەشتیاری میرسی کە 45 سەرنشینی هەڵگرتووە لە دەریا سوور نوقم بووە و لەنێو سەرنشینانی کەشتییەکەدا تەنها 16یان رزگارکراون کە هەندێکیان بە بەکارهێنانی هێلیکۆپتەر دۆزراونەتەوە و گواستراونەتەوە بۆ نەخۆشخانە. هەروەها کەشتییەکە لە باکوری مەرسا عەلام نوقمبووە.
هەربەپێی میدیای عەرەبییەکان، گەڕان بەدوای کەسە ونبووەکاندا بە هەماهەنگی لەگەڵ هێزی دەریایی و هێزە چەکدارەکان هێشتا بەردەوامە.
هاوکات کەشتییەکە بەیانیی ئەمڕۆ دووشەممە 25ی تشرینی دووەمی 2024 لە مارسا عەلامەوە بەرەو بەندەری پۆرتۆ غالب بەڕێکەوتووە و بڕیار بوو رۆژی 29ی هەمان مانگ بگەڕێتەوە.
|