لەنێوان سوپای پاسداران و گروپێکی چەکداری شەڕ روویدا و لەهەردوولا کوژراو هەیە
نها نیوز – هەواڵەکان
سوپای پاسدارانی ئێران رایانگەیاند، لە شەڕ و رووبەڕووبوونەوەی نێوان سوپاکەیان و گروپی "جەیشولعەدل"دا چەند کەسێک لە هەردوولا دەکوژرێن.
لە بەیاننامەیەکدا سوپای پاسدارانی ئێران رایانگەیاندووە "لە دڕێژەی ئۆپراسیۆنەکانیاندا لە پارێزگای سیستان و بلوچستان چوار ئەندامی هێزەکانی سەر بە گروپی جەیشولعەدل کوژراون و شەش ئەندامیشیان دەستگیرکراون، هاوکات دوو ئەندامی سوپای پاسدارانیش کوژراون".
لەبەرامبەردا رێکخراوی گروپی "جەیشولعەدل" لەمیانی راگەیەنراوێکدا نوسیویەتی "لە شەڕێکدا لەگەل هێزەکانی سەر بە حکومەت نزیکەی 35 ئەندامی سوپای پاسداران کوژراون و هاوکات توانیویانە فڕۆکەیەکی بێ فڕۆکەوانی سوپای پاسدرانیش بخەنەخوارەوە.
"جەیشولعەدل" بەفەرمی کوژرانی سێ ئەندامی هێزەکانی خۆیان رادەگەیەنن.
|