ترەمپ دەچێتە کۆشکی سپی
نها نیوز – هەواڵەکان
لەسەر بانگهێشتی جۆو بایدن، دۆناڵد ترەمپ، سەرۆکی هەڵبژێردراوی ئەمەریکا دەچێتە کۆشکی سپی و کۆبوونەوەیەک ئەنجام دەدەن.
کۆشکی سپی ئەمەریکا لە بەیاننامەیەکدا دەڵێت، رۆژی چوارشەممە جۆو بایدن لە کۆشکی سپی پێشوازی لە دۆناڵد ترەمپ، سەرۆکی هەڵبژێردراوی ئەمەریکا دەکات.
ئەوەش دوای ئەوە دێت، بایدن دڵنیایی دا لە گواستنەوەی ئاشتیانە و ئارامی دەسەڵاتەکەی بۆ سەرۆکی نوێی ئەمریکا، ئەوەش لەکاتێکدایە، لە ساڵی 2020 و دوای سەرکەوتنی بایدن لە هەلبژاردنەکاندا، ترەمپ دانی بە شکستدا نەدەنا.
هاوکات دۆناڵد ترەمپ، لە تۆڕی کۆمەڵایەتیی خۆی، وێڕای سوپاسگوزاری لە هەر یەک لە نیکی هێلی، باڵیۆزی پێشوتری ئەمریکا لە نەتەوە یەکگرتووەکان و مایک پۆمپیۆ، وەزیری پێشوتری دەرەوەی ئەمریکا بۆ خزمەتەکانیان لە خولی یەکەمی سەرۆکایەتییەکەیدا، ڕەتیکردەوە لە حکومەتی داهاتوودا هیچ پۆستێکیان هەبێت.
|