ئێستا گەیشت.. گەشتەکانی فرۆکەخانەی سلێمانی دەستپێدەکاتەوە

نها نیوز - هەواڵەکان

بەپێی زانیارییەکانی نها نیوز لە کۆبوونەوەکەی دوێنێدا، قوباد تاڵەبانی داوای لە رەجەب تەیب ئەردۆغان سەرۆکی تورکیا کردووە گەشتەکانی سلێمانی و ئیستانبوڵ دەستپێبکاتەوە.

هەر بەگوێرەی زانیارییەکانی نها نیوز، هەرچەندە ئەردۆغان بەڵێنی نەداوە، بەڵام قسەکانی بۆ دەستپێکردنەوەی گەشتەکان ئەرێنی بوون.

زانیارییەکان ئەوەشیان ئاشکرا کردووە، چاوەڕێدەکرێت مانگی حوزەیران\6 گەشتەکان دەستپێبکاتەوە و وادەی ڕاگرتنی گەشتەکان درێژ نەکرێتەوە.

ئەمەش لەکاتێکدایە، لە رۆژی  3ی نیسانی 2023ەوە حکومەتی تورکیا بڕیاریدا بە راگرتنی گەشتەکانی فڕۆکەخانەی نێودەوڵەتی سلێمانی بۆ تورکیا، سەبارەت بە هۆکاری بڕیارەکەش، تانژو بیلگیچ وتەبێژی وەزارەتی دەرەوەی تورکیا رایگەیاندووە "لەچوارچێوەی چڕبوونەوەی چالاکییەکانی 'رێکخراوی تیرۆریستی پەکەکە' لە سلێمانی، دزەکردنی ئەو رێکخراوە تیرۆریستییە بۆ ناو فڕۆکەخانە و بەمەش هەڕەشەکردن لە ئاسایشی گەشتە ئاسمانییەکان، ئەو بڕیارە دراوە.

ئ.ز