وەزیرانی دەرەوەی ئەمریكا و توركیا کۆبوونەوە
نها نیوز – هەواڵەکان
وەزیرانی دەرەوەی ئەمریکا و تورکیا لەسەر ئاڵوگۆڕی دەسەڵات لە سووریا و ئاگربەستی جەنگی غەززە کۆبونەتەوە.
لە كۆنگرەیەكی ڕۆژنامەوانی هاوبەشدا لە نێوان هاكان فیدان وەزیری دەرەوەی توركیا و ئەنتۆنی بلینكن وەزیری دەرەوەی ئەمریکا ڕایانگەیاندووە، تاوتوێی دۆخی سووریایان كردووە و جەختیان لە پاراستنی یەكپارچەیی خاكەكەی و سڕینەوەی تەواوی ڕێكخراوە تیرۆرستییەكان كردووەتەوە.
ئاماژەیان بەوەشکردووە، هەردوولا گفتوگۆیان لەسەر شێوازی چارەسەری هاوبەشی لەو ڕووەوە کردووە.
لەبارەی دۆخی غەزز، وەزیری دەرەوەی توركیا ئاشکرایکردووە، تورکیا لەگەڵ ئەمریكا كاردەكات بۆ ڕاگرتنی دەستبەجێی شەڕ و كۆتایی هێنان بە جەنگی سەر غەززە.
هاوکات، ئەنتۆنی بلینكن، ڕایگەیاندووە. لەگەڵ هاوبەشەكانیان وەك توركیا و ولاتانی دراوسێ لە ناوچەكە دەتوانن پشتیوانی پیشكەش بە سووریا بكەن بۆ ئەوەی حكومەتێكی ڕاگوزەر پێكبهێنرێت كە پارێزگاری لە كەمینەكان و ژنان بكات و كۆتایی بەو كارە نەرێنییانە بێنێت كە ڕژێمی ئەسەد بەجێی هێشتووە.
|