ئێستا گەیشت.. محەمەدی حاجی مەحمود بڕیارێکی پارتی کە بوەهۆی دواخستنی هەڵبژاردن ئاشکرادەکات
نها نیوز - هەواڵەکان
لەبارەی ئەوەی چ بڕیارێکی پارتی بوەهۆی دواخستنی ئەنجامدانی هەڵبژاردنی پەرلەمانی کوردستان؟ محەمەدی حاجی مەحمود، سەرۆكی پارتی سۆسیال دیموكراتی كوردستان ئاشکرای دەکات و دەڵێت "سەردانەكەی نێچیرڤان بارزانی، سەرۆكی هەرێم بۆ تاران، هەڵبژاردنی پەرلەمانی كوردستانی دواخست، وە کۆمسیۆنیش ئەو پۆستەرانەی ناردی بۆ ئیمارات لە چاپکردن وەستاندی.
محەمەدی حاجی مەحمود، سەرۆكی پارتی سۆسیال دیموكراتی كوردستان، بە دەنگی ئەمریكا دەڵیت"بەدڵنیاییەوە سەردانەکەی سەرۆکی هەرێم بۆ تاران هەڵبژاردنی پەرلەمانی هەرێمی کوردستانی لە 10/06 دواخست.
محەمەدی حاجی مەحمود ئەوەشی ئاشکراکرد "وەک دەزانرێت ماوەیەکی زۆر کێشە هەبوو لەناو هەرێمدا لەسەر بابەتی هەڵبژاردن و بەغدا و کۆمسیۆنیش سوربون لەسەر هەڵبژاردن لەکاتی خۆیدا، بەڵام کە سەرۆکی هەرێم سەردانی تارانی کرد، هێشتا لە ئێران بوو کەلە بەغداوە هەڵبژاردن دواخرا و کۆمسیۆنیش ئەو پۆستەرانەی ناردی بۆ ئیمارات لە چاپکردن وەستاندی.
سەرۆكی پارتی سۆسیال دیموكراتی كوردستان ئاماژە بەوەش دەکات "من پێم وایە هەم هەرێمی کوردستان و هەم ئێرانیش گەیشتونەتە ئەو بڕوایەی کە پێوستییان بەیەکترە.
لە بەشێكی دیكەی قسەكانیدا محەمەدی حاجی مەحمود دەشڵێت "ئێستا عێراق وەکو دەوڵەت وجودی نییە و سەروەری نییە، گەورەترین بنکەی سەربازی تورکیا لە بەعشیقەیە ڕۆژانە فڕۆکە و ئۆتۆمبێلی سەربازی هاتوچۆ دەکەن، لە هەر وڵاتێکدا یەک سەربازی ئەو وڵاتە لە وڵاتێکی تر بێت و سنوری بەزاندبێت، سەرۆکی وڵاتی داگیرکار پێشوازی لێناکرێت تا نەکشێتەوە، کەچی عێراق شەش مانگ حەفلەی کرد لەبەرئەوەی ئەردۆغان سەردانی کرد.
|