دادگاى گه‌رمیان له باره‌ى كارگه‌یه‌كى به‌رهه‌مهێنانى ماده‌ى هۆشبه‌ره‌وه هاته‌ده‌نگ
نها نیوز ـ هه‌واڵه‌كان
دادگاى تێهەڵچوونەوەى ناوچەى کەرکوک/ گەرمیان ڕایگەیاند، ئەو کەسانەى لەسەر کارگەى مادەى هۆشبەرەکەى سنورى گەرمیان دەستگیرکراون خەڵکى دەرەوەى هەرێمى کوردستانن وە پەیوەندیان نیە بەسنورى گەرمیانەوە.
لە ڕوونکردنەوەیەکدا سەرۆکایەتى دادگاى تێهەڵچوونەوەى ناوچەى کەرکوک/ گەرمیان بڵاویکردەوە، ماوەیەکە دەنگۆى ئەوە بڵاوبووەتەوە کە لە سنورى گەرمیان دەست گیراوە بە سەر کارگەیەکى مادەى هۆشبەر، ئەم ڕووداوەش وەکو هەر تاوانێکى تر کارى لێکۆڵینەوەى تێداکراوە.
ئەوەشخراوەتەڕوو، ڕێکارى پێویست لە ڕووداوەکەدا گیراوەتەبەر و تۆمەتبارەکانیش دەسگیرکراون ئەوەى لێردا بە پێویستى دەزانین ڕوونى بکەینەوە ئەوەیە کە تۆمەتبارەکان خەڵکى دەرەوەى هەرێمى کوردستانن وە پەیوەندیان نیە بەسنورەکەمانەوە.
ماوەیەک پێش ئێستا کارگەیەکى دروستکردنى مادەى هۆشبەر لە سنورى قەزاى دەربەندیخان دەستی بەسەردا گیرا و چەند کەسێک لەسەرى دەستگیرکران، کە لیوایەکى خانەنشینى خەڵکى سنورەکە لەناو دەستگیرکراوەکاندابوو.
|