لەژێر فشاری ئەمریکا و تورکیا کورسی کۆتاکان دەگەڕێتەوە

نها نیوز - هەواڵەکان

شیرین فوئاد مه‌عسوم، كادری پێشكه‌وتووی پارتی رایدەگەیەنێت، بڕیارە كورسی كۆتاكان  به‌ رێژه‌یه‌كی كه‌متر بگه‌ڕێته‌وه‌، دەشڵێت "زەرەرمەندی یەکەم تورکمان و مەسیحی دەبن، چونکە هێزێکی ناوخۆیی ئەو بڕیارەی بۆ بەرژەوەندی حزبێکی ناوخۆی کوردستان داوە".

شیرین فوئاد مەعسوم، کادری پێشکەوتووی پارتی و كچی سه‌رۆك كۆماری پێشووتری عێراق بەدەنگی ئەمریکا دەڵێت "بڕیارە کورسی کۆتاکان بە رێژەیەکی کەم بگەڕێتەوە بۆ پەرلەمانی هەرێمی کوردستان، دوای ئەوەی دادگای فیدراڵیی عێراق ژمارەی کورسی پەرلەمانی لە 111 کورسییەوە کەمکردەوە بۆ 100 کورسی.

شیرین فوئاد مەعسوم ئەوەشی خستە روو "کورسی کۆتاکان بە ڕێژەیەکی کەمتر دەگەڕێتەوە، لە کۆتاییدا پێکهاتەی تورکمان و مەسیحی و ئەوانەی تریش زەرەرمەندی یەکەم دەبن، کە هێزێکی ناوخۆیی ئەو بڕیارەی بۆ بەرژەوەندی حزبێکی ناوخۆی کوردستان داوە.

ئەو کادرە پێشکەوتووەی پارتی ئاماژەی بەوەش کرد "گۆڕانکارییەکی وەها لەژێر فشاری وڵاتانی تر ئەنجامدەدرێت کە لە ئاڕاستەی گۆڕانکارییەکان نیگەرانن.

کچەکەی فوئاد حسێن رونیشیکردەوە "وڵاتانی رۆژئاوا و ئەمریکا بە فەرمی و نافەرمی هۆشدارییان داوا بۆ کورسی کۆتای مەسیحییەکان، هەروەها تورکیاش ئەو پەیامەی لە بارەی تورکمانەکانەوە گەیاند.

لەبارەی هەڵوێستی پارتیشەوە، شیرین فواد مەعسوم دەڵێت "پارتی نە دەزانێت سازش چیە و نە دەشیکات بۆ هیچ حزب و لایەن و کەسێک، تاکە شت بیەوێت قوربانی بۆ بدات و رێککەوتنی لەگەڵ بکات مافی خەڵکە، بۆیە هەڵبژاردن بە بێ پارتی لەو کاتەی دیاریکراوە ئەنجام نادرێت.

لەدوای بڕیارەکەی دادگای فیدڕاڵی عێراق لە 21ی مانگی شوباتی ئەمساڵ، سەبارەت بە نەمانی کورسی کۆتاکان و گۆڕینی سیستەمی هەڵبژاردنی پەلەمانی کوردستان، هاوکات پارتی دیموکراتی کوردستان رۆژی 18ی مانگی سێ بڕیارەکانی دادگای فیدڕاڵی بە نادەستوری ناوبردن و رایگەیاند، بەشداری هەڵبژاردنێک ناکەن کە بە نایاسایی بڕیاری لەبارەوە درابێت.

ئ.ز