ئایدن مەعروف: بێدەنگی وڵاتان لەئاست هەڵوەشاندنەوەی كورسی كۆتاكان بەمانای قبوڵكردنیەتی

نها نیوز - هەواڵەكان

ئایدن مەعروف رایگەیاند: لەگەڵ ئەوەداین هەڵبژاردنی پەرلەمانی كوردستان لەكاتی خۆیدا بكرێت و لەدەرەوەی سیستمی كۆتاش بەشداری پرۆسەكە دەكەین، بێدەنگبوونی وڵاتانیش لەئاست بڕیارەكەی دادگای فیدراڵی بەمانای قبوڵكردنیەتی. دەشڵێت توركیا پشتیوانێكی بەهێزی توركمانەكانی هەرێم.

ئایدن مەعروف وەزیری هەرێم بۆ كاروباری پێكهاتەكان لەگەڵ نوێنەرانی پێكهاتەو ئاین و ئانزاكان لەبارەی بڕیارەكەی دادگای فیدراڵی كۆبووینەتەوە بەمەبەستی گەڕانەوەی مافەكانكان كە كورسی كۆتاكانەو دادگای فیدراڵی هەڵیوەشاندەوە، وتیشی "بڕیارەكەی دادگای فیدراڵی غەدرێكی گەورە بوو لەدژی پێكهاتەكان، لەكاتێكدا پێكهاتەكان پارتێكی گرنگن لەهەرێم و رۆڵكی گرنگیان هەبووە".

ئەوەشی وت "یاداشتێكمان بۆ لایەنی پەیوەندیدار لەهەرێم و حكومەتی عێراق ئامادە كردوەو دەیدەینە كونوسوڵی وڵاتانی بیانی و داوامان كردوە بەتایەبت لەنەتەوەیەكگرتوەكان كە هەڵوێستی جدیان لەبارەی هەڵوەشاندنەوەی بڕیارەكەی دادگا هەبێت، بەڵام بێدەنگ بوون بەمانای قبوڵكردنی بڕیارەكەیە". 

ئایدن مەعروف راشیگەیاند "لەگەڵ ئەوەداین هەڵبژاردن لەكاتی خۆیدا بكرێت، لەدەرەوەی سیستمی كۆتاش بەشداری پرۆسەی هەڵبژاردن دەكەین".

لەبەشێكی تری كۆنگرە رۆژنامەوانیەكەیدا، ئایدن مەعروف وتی" توركیا پشتیوانێكی بەهێزی توركمانەكانی هەرێمی كوردستان بووە، جگە لەوەش پشتیوانی هەموو پێكهاتەكانی تریشی كردوەو بوونی وڵاتی توركیا بۆ ئێمە زۆر گرنگە".