توێژینەوەیەك کە لەلایەن بنکەی توێژینەوە کۆمەڵایەتییەکان لە بەرازیل ئەنجامدراوە ئاشکرایکردووە، هەندێك تایبەتمەندی لە پیاواندا زیاتر سەرنجی ژنان رادەکێشێت و وادەکات سەرسامیان ببن.
بەگوێرەی توێژینەوەکە کە ماڵپەڕی "لوبنان ٢٤" ئاماژەی پێکردووە ئاشکرایکردووە، زۆرینەی ژنان سەرسامی ئەو پیاوانە دەبن کە بڕوایان بەخۆیانە و خۆیان دەناسن و دەزانن چیان لە ژیاندا دەوێت، بەڵام بەجۆرێك ئەمە نەگات بەراددەی لەخۆباییبوون.
ماڵپەڕەکە ئاماژەی بە کۆمەڵێك لە کاریگەرترینی ئەو تایبەتمەندییانە کردووە، لەوانەش:
شێوازی رێكخستنی جلوبەرگ:
توێژینەوەیەکی زانستی سەلماندوویەتی کە ئەو پیاوانەی جلوبەرگەکانیان بەشێوەیەکی جوان رێكدەخەن، زیاتر سەرنجڕاکێش دەبن لە تێڕوانینی ژنانەوە.
قۆز و کەشکە:
قۆزی لە پیاواندا رۆڵێکی گرنگیی هەیە و وادەکات ژنان زیاتر سەرسامیان ببن، بەتایبەت ئەگەر لەگەڵ قۆزییەکەدا کەسایەتییەکی بەهێزی هەبوو و بڕوای بەخۆی بوو.
بەڕەوشت و گاڵتەئامێز:
ئەو پیاوەی بە ڕەوشت بێت و لە هەمان کاتدا روویەکی خۆشی هەبێت و گاڵتە بکات و هەست بە دەورووبەر بکات، زیاتر ژنان سەرسامی دەبن و ئارەزوو دەکەن لێی نزیك ببن.
گوێگرێکی باش بێت:
ژنان زیاتر سەرنجیان بۆ لای ئەو پیاوە دەچێت کە گوێیان بۆ دەگرێت و گرنگی بە ڕایەکانیان دەدات و ڕێزیان لێدەگرێت.