نها نیوز – هەواڵەکان
بەڕێوەبەری گشتیی باجەکان و خانووبەرەی میری رایگەیاند، بەمەبەستی ڕەچاوکردنی دۆخی دارایی هاووڵاتیان و کاسبکاران، حکومەتی کاربەڕێکەری هەرێمی کوردستان چوار جۆری باجی ڕاگرت.
کەمال وەرتی، بەڕێوەبەری گشتیی باجەکان و خانووبەرەی میری لە کۆنگرەیەکی رۆژنامەوانیدا ڕایگەیاند: "لەسەر فەرمانی مەسرور بارزانی و بۆ ڕەچاوکردنی دۆخی دارایی هاونیشتمانیان، باج لەسەر ژمارەیەک کاسبکار ڕادەگیرێت.
ئەم باجانە ڕادەگیرێن:
باجی سەر چێشتخانە و هۆتێلەکان
باجی سەر نەخۆشخانە تایبەتەکان
باجی سەر سەمونخانە و نانەواخانەکان
باجی زەوییە بەتاڵەکان
باجی مانگانەی چێشتخانە و هۆتێلەکان: نزیکەی دوو ملیار دینار
باجی مانگانەی نەخۆشخانە تایبەتەکان: نزیکەی 600 ملیۆن دینار
باجی مانگانەی سەمونخانە و نانەواخانەکان: نزیکەی 50 ملیۆن دینار
باجی مانگانەی زەوی بەتاڵ: نزیکەی دوو ملیار دینار
لەلایەکی دیکەشەوە، پێشەوا هەورامانی، وتەبێژی حکومەتی کاربەڕێکەری هەرێمی کوردستان لەبارەی هەمان بابەت ڕاگەیەندراوێکی بڵاوکردەوە و ڕایگەیاند، چوار باجەکە تاوەکو یەکلاکردنەوەی ڕێکخستنەوەی ڕێکارەکانی وەرگرتنی باج لەگەڵ دامودەزگاکانی حکومەتی عێراق و هەموارکردنەوەی یاسای باج ڕادەگیرێن.