وەزارەتی دارایی راگەیەنراوێکی بڵاوکردەوە

نهانیوز-هەواڵەکان

وەزارەتی دارایی رایگەیاند" مووچەی مامۆستایانی گرێبەست و بەشێک لەفەرمانبەرانی هەمیشەیی و گرێبەست دابەش دەکرێت".

ئەمڕۆ سێشەممە 2ی کانوونی یەکەم وەزارەتی دارایی و ئابووری هەرێم رایگەیاند" ڕۆژی چوار شەممە و پێنج شەممە ( ٣ و ٤ کانوونی یەکەمی ٢٠٢٥ ) مووچەی مانگی ئەیلوولی مامۆستایانی گرێبەستی وەزارەتی پەروەردەو خوێندنی باڵاو توێژینەوەی زانستی دابەش دەکرێت".

لە بەشێکی دیکەیت راگەیەنراوەکەی وەزارەتی داراییدا هاتووە" هاوکات هەر لەو دوو ڕۆژەدا مووچەی مانگی ئەیلوول و مووچەی مانگی ئازاری ساڵی ( ٢٠٢٥ ) ی سەرجەم ئەو فەرمانبەرانە دابەش دەکرێت کە لەدوای ( ٢٠٢٤/٧/١ ) بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون کەشایستەکانیان لەسەر داهاتی ناوخۆی هەرێمی کوردستان خەرج دەکرێت".

ئەوەش لە کاتێکدایە ئەمڕۆ دابەشکردنی مووچەی مانگی 9ی مووچە خۆران و خانەنشینانی هەرێم کۆتایی هات.