ئابوری

بەفەرمی وادەی بڕیاردان لەسەر ناردنی مووچەی مانگی شەش درا

نها نیوز - هەواڵەکان

بریکاری پێشووی وەزارەتی دارایی عێراق رایگەیاند، شاندەکەی هەرێم بۆ مووچە دەمێننەوە و لەگەڵ تەیف سامی وەزیری دارایی فیدراڵ کۆدەبنەوە، گەر کۆبونەوەکە ئەرێنی بێت، رۆژی یەکشەممە بڕیار لەسەر ناردنی مووچە دەدرێت.

رێباز حەملان، بریکاری پێشووی وەزارەتی دارایی عێراق و یاریدەدەری سەرۆکی حکومەتی هەرێم بۆ کاروباری دارایی وتی "کۆبوونەوەی رۆژی چوارشەممەی وەفدەکەی هەرێم و وەزارەتی دارایی و تیمی چاودێریی دارایی عێراق، ئەرێنی بووە؛ وەفدەکە لە بەغدا دەمێننەوە و رۆژی ئەمڕۆ لەگەڵ تەیف سامی، وەزیری دارایی عێراق کۆدەبنەوە.

ئاشکراشیکرد "ئەگەر کۆبوونەوەی وەفدەکە لەگەڵ وەزیری دارایی عێراق ئەرێنی بێت، رۆژی یەکشەممە ئەنجومەنی وەزیرانی عێراق لەبارەی مووچەی مانگی شەش و حەوت بڕیاردەدات".

حەملان ئەوەشی خستە روو، وەزارەتی داریی هەرێم لیستی مووچەی مانگی شەش و حەوتی بۆ بەغدا ناردووە و 120 ملیاری داهاتی نانەوتیی مانگی شەشیش ئامادەیە.

2025-08-07
زیاتر...
Copyright © All rights reserved.