نها نیوز – هەواڵەکان
بەڕێوەبەرى گشتیی کۆمپانیای سۆمۆ رایگەیاند، تاوەکو ئێستا هەرێمی کوردستان هیچ بڕە نەوتێکی رادەستی کۆمپانیاکەیان نەکردووەو راشیگەیاند، ئامادەن بۆ وەرگرتنی هەر بڕە نەوتێکی هەرێمی کوردستان، کە رادەستیان بکرێت.
عەلی نزار، بەڕێوەبەری گشتیی کۆمپانیای سۆمۆ لە چاوپێکەوتنێکی تەلەفزیۆنی کەناڵی عێراقییەی فەرمیدا یاسکرای کرد، "هەرێمی کوردستان تاوەکو ئێستا هیچ بڕە نەوتێکی رادەست نەکردووە، هەرچەندە سەرجەم رێکارەکانی گرێبەستی هەناردەکردنەوەی نەوتی هەرێمی کوردستان لە رێگەی بۆریی جەیهانەوە کۆتاییان هاتووە".
ئاماژەی بەوەشکردووە، ئامادەن بۆ وەرگرتنی هەر بڕە نەوتێکی هەرێمی کوردستان، کە رادەستیان بکرێت.
بەڕێوەبەری کۆمپانیای سۆمۆ رەتیکردەوە، لە بەندەرەکانی عێراقەوە قاچاخچێتی بە نەوتەوە کرابێت و دەڵێت، بەندەرەکانی عێراق چاودێرییەکی وردیان لەسەرە و هیچ پرۆسەیەکی بە قاچاخبردن یان تێکەڵکردنی نەوتی تیادا ئەنجامنەدراوە.
سەبارەت بە نووسراوێکی کۆمپانیاکەیان لەبارەى بە قاچاخبردنی نەوتەوە، نزار عەلی دەڵێت، نووسراوەکە راستە و ساختە نییە، بەڵام رێکارێکی رۆتینیی ئاساییە و ئامانجی کۆنترۆڵکردنی خشتەکانی بارکردنی نەوتهەڵگرەکانە.
وتیشی "رێوشوێن دەگیرێتەبەر بۆ دەرکردنی هەر نەوتهەڵگرێكی گوماناوی لە ئاوە هەرێمایەتیەكانی عێراق."
سەبارەت بە بری هەناردەی رۆژانەی نەوت، بەڕێوەبەرى کۆمپانیای سۆمۆ ئاشکرایکرد، عێراق رۆژانە سێ ملیۆن و 350 هەزار تاوەکو سێ ملیۆن و 400 هەزار بەرمیل هەناردە دەکات، رێژەی %78 بۆ 80٪نەوتەکە بۆ وڵاتانی ئاساییە و بەشەکەی دیکەشیان بۆ ئەوروپا و ئەمریکا هەناردە دەکرێت.