هەرێم دەستی بە رادەستکردنی نەوت بە سۆمۆ کرد

نها نیوز - هەواڵەکان

لە راپۆرتێکدا رۆژنامەیەکی عەرەبی ئاشکرایکردووە، حكومەتی هەرێم دەستی بەئامادەكارییەكان كردووە بۆ رادەستکردنی نەوت بەكۆمپانیای سۆمۆ، لەگەڵ ئەوەشدا كۆمپانیا بیانییەكانیش گەڕاونەتەوە بۆ كێڵگە نەوتییەكانی هەرێمی کوردستان.

بەپێی راپۆرتێکی تایبەتی رۆژنامەی "عەرەبییە ئەلجەدید، دوای ئەو 22 هێرشە درۆنییەی كراوەتە سەر كێڵگە نەوتییەكانی هەرێمی كوردستان تائێستا ئەو لیژنەیەی بۆ لێكۆڵینەوە لەو بابەتە پێكهێندراوە راپۆرتی كۆتایی پێشكەش بە محەمەد شیاع سودانی، سەرۆك وەزیرانی عێراق نەكردووە.

رۆژنامەکە خاڵە گرنگەکە ئاشکرا دەکات و دەڵێت "ئەو كۆمپانیایانەی كێڵگە نەوتییەكانیان جێهێشتبوو، ئێستا گەڕاونەتەوە سەر كێڵگە نەوتییەكان و دەستیان بە كارەكانیان كردووەتەوە و حكومەتی هەرێمیش دەستی بەئامادەكارییەكانی كردووە بۆ هەناردەكردنەوەی نەوتی هەرێم لەرێگەی كۆمپانیای سۆمۆوە".

عەرەبی جەدید لە راپۆرتەکەیدا ئەوەشی خستووەتە روو، هەرێم بەرپرسیارێتی قەرەبووكردنەوەی كۆمپانیاكان لەئەستۆ گرتووە، لەبەرامبەر ئەو بڕەی تەرخانكراوە بۆ بەكارهێنانی ناوخۆیی، هاوكات "سۆمۆ مامەڵە لەگەڵ بە بازاڕكردنی دەرەكیدا دەبێت".

ئەوەیش لەکاتێکدایە، له‌كۆبوونه‌وه‌ی نائاسایى رۆژى 17ى تەمموزی 2015 ئه‌نجومه‌نی وه‌زیرانى عێراقدا چه‌ند بڕ‌یارێك له‌سه‌ر هه‌نارده‌ی نه‌وتی هه‌رێم و ناردنی مووچه‌ی مووچه‌خۆرانی هه‌رێمی كوردستان ده‌ركرا. لە کۆبوونەوەکەدا بڕیاردرا بە دیاریکردی 280 هەزار بەرمیل نەوت کە هەرێم 230 هه‌زار به‌رمیلی رۆژانه‌ لەو ژمارەیە بنێرێت بۆ بەغدا و، لەو بڕەش 50 هه‌زار به‌رمیلیشی بۆ ناوخۆ، بە 16 دۆلاری ئەمریکی.