دارایی عێراق: لیستی مووچەی مانگی 10ـمان بەدەست گەیشت
نها نیوز – هەواڵەکان
سەرچاوەیەک لە وەزارەتی دارایی عێراق رایدەگەیەنێت "ئەمڕۆ دووشەممە 4ی تشرینی دووەمی 2024، لیستی مووچەی مانگی تشرینی یەکەمی فەرمانبەرانی هەرێمی کوردستانمان بە دەست گەیشت".
سەرچاوەیەک لە وەزارەتی دارایی حکومەتی عێراق بە میدیاکانی راگەیاند "ئێستا لە وەزارەتی دارایی وردبینیکردنی لیستەکە دەستی پێکردووە و ئەگەر هیچ تێبینی و سەرنجێک لە لیستی مووچە نەبێت، ئەوا لە 24 کاتژمێری داهاتوودا پارەی پێویستی بۆ خەرجکردنی مووچەی مانگی تشرینی یەکەم دەنێردرێت".
ئەمە لەکاتێکدایە، دوێنێ یەکشەممە، وەزارەتی دارایی و ئابووریی حکومەتی کاربەڕێکەری هەرێمی کوردستان رایگەیاند "لیستی مووچەی مانگی 10ـی فەرمانبەران و مووچەخۆرانی هەرێمی کوردستان لەلایەن نوێنەری وەزارەتەکەیانەوە ڕادەستی بەڕێوەبەرایەتیی گشتیی ژمێریاری لە وەزارەتی دارایی حکوومەتی فیدراڵ کراوە".
|