ترەمپ کچێکی تەمەن 27 ساڵ دەکات بە وته‌بێژی كۆشكی سپی
نها نیوز - هەواڵەکان
دۆناڵد تره‌مپ لیڤیتی ته‌مه‌ن 27 ساڵی وه‌ك وته‌بێژی كۆشكی سپی ده‌ستنیشانكرد.
دۆناڵد تره‌مپ، سه‌رۆكی هه‌ڵبژێردراوی ئه‌مریكا له راگه‌یه‌ندراوێكدا وتویەتی، كارۆلین لیڤیت وته‌بێژی هه‌ڵمه‌تی هه‌ڵبژاردنه‌كانی وه‌ك وته‌بێژی كۆشكی سپی ده‌ستنیشانكردووه.
بەوتەی ترەمپ "كارۆلینی ته‌مه‌ن 27 ساڵ، زیره‌ك و توندوتیژه و توانایه‌كی كاریگه‌ر و سه‌لمێنه‌ری هه‌یه، چونكه پۆستی وته‌بێژی پێویستی به وه‌ڵامدانه‌وه‌ی پرسیاره رۆژنامه‌وانییه‌كان هه‌یه رۆژانه له‌به‌رده‌م كامێرادا، كارۆلین ئه‌و توانا كاریگه‌ره‌ی هه‌یه".
ترەمپ زانیاری زیاتر لە لیڤیت ئاشکرا دەکات و دەڵێت "له‌سه‌ر شانۆ جیاواز ده‌بێت و یارمه‌تیده‌رمان ده‌بێت بۆ گه‌یاندنی په‌یامه‌كه‌مان بۆ گه‌لی ئه‌مریكا بۆ ئه‌وه‌ی جارێكی دیكه ئه‌مریكا ببێته نه‌ته‌وه‌یه‌كی گه‌وره".
|