بافڵ جەلال تاڵەبانی: هەوڵ بۆ پێکهێنانی حکومەتێکی خزمەتگوزار دەدەین
نهانیوز-هەواڵەکان
سەرۆکی یەکێتیی نیشتمانیی کوردستان لە دەباشان پێشوازی لە پاتریک دۆرێل، باڵیۆزی فەرەنسا لە عێراق کرد و گفتوگۆیان لەبارەی دۆخی سیاسیی عێراق و ناوچەکە کرد.
بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە پاتریک دۆرێل، باڵیۆزی فەرەنسا لە عیراق کرد.
لە دیدارێکدا دۆخی گشتیی هەرێمی کوردستان، عیراق و ناوچەکە تاوتوێکرا و جەخت لە بەردەوامی لێکتێگەیشتنی نێوان لایەنەکان بۆ زاڵبوون بەسەر ئاڵنگارییەکاندا کرایەوە.
پەیوەست بە پێشهاتە سیاسییەکان لە دوای هەڵبژاردنی ئەنجوومەنی نوێنەرانی عیراق بۆچوون ئاڵوگۆڕکرا و سەرۆک بافڵ رایگەیاند، هەوڵەکانمان لەو چوارچێوەیەدایە بگەین بە حکومەتێکی خزمەتگوزاری نیشتمانی کە بنەماکەی هاوبەشێتی و پێکەوەیی بێت.
|