وادەی ناردنی لیستی مووچەی مانگی 10 دیاری کرا
نهانیوز-هەواڵەکان
سەرپەرشتیاری بایۆمەتریی سلێمانی کاتی رەوانە کردنی لیستی مووچەی مانگی 10 ی دیاری کرد و رایگەیاند، کۆتایی هەفتە لیستی موچەی مانگی 10 ڕەوانەی بەغدا دەکرێت.
یادگار جەبار، سەرپەرشتیاری بایۆمەتریی سلێمانی رایگەیاند، "پاش وردبینی و پێداچوونەوەیەکی چڕ، لیستی مووچەی مانگی 10ـی مووچەخۆرانی سلێمانی تەواوکراوە و رەوانەی وەزارەتی دارایی هەرێم کراوە، بڕیارە کۆتایی ئەم هەفتەیە لیستەکە رەوانەی بەغداد بکرێت".
دەشڵێت، "زۆر گرنگە ئەم لیستە بە وردەکارییەوە و بەبێ هیچ هەڵەیەک لێبڕینی %3ـی تێدا بکرێت و پاشان رەوانەی بەغداد بکرێت، چونکە دەبێتە بنەمای مووچەی 36 مانگی داهاتوو".
|