گرژییەکانی ناوچەکە نرخی زێڕی بەرزکردەوە

نهانیوز-هەواڵەکان

نرخی نەوت بەردەوامە لە بەرزبوونەوە بەجۆرێک کە نرخی بەرمیلێک نەوتی برێنت گەیشتە سەرووی 74 دۆلار.

ئەمرۆ شەممە 14ی حوزەیران نرخی نەوت  بەهۆی هێرشەکانی ئیسرائیل و ئێرانەوە بۆ سەر یەکتری ڕووی لە بەرزبوونەوەی بەرچاو کردووە و یەک بەرمیل نەوتی برێنت گەیشتووەتە سەرو 74 دۆلار.

 نرخی یەک بەرمیل نەوتی خاوی برێنت بە 74 دۆلار و 22 سەنتە، کە پێش دەستپێکردنی هێرشەکانی ئیسرائیل بۆ سەر ئێران و کاردانەوەکانی ئێران بەرانبەر ئیسرائیل، لە خوار 70 دۆلارەوە بوو، هاوکات هەر ئەمڕۆ یەک بەرمیل نەوتی خاوی تەکساس، بە 72 دۆلار و 98 سەنت مامەڵەی پێوەدەکرێت.

هەرچی نرخی زێڕیشە، بەرزبوونەوەی بەرچاوی بەخۆیەوە بینیوە و یەک ئۆنسەی بە سێ هەزار و 432 دۆلارە.

ئەوەش لە کاتێکدایە بە هۆی ئاڵۆزی ناوچەکە و لە ئەگەری پەرەوسەندنی جەنگی نێوان ئیسرائیل و ئێران پێشبینی دەکرێت نرخی نەوت بە ڕێژەیەکی بەرچار بەرزبێتەوە.