بارزانی و مەزڵوم عەبدی لەسەر هەستیارترین خاڵ کۆدەبنەوە

نها نیوز – هەواڵەکان

بەگوێرەی پێگەی ئەل مۆبیتۆر، مەزڵوم عەبدی فەرماندەی (هەسەدە)، سەردانی هەرێمی کوردستان دەکات و لەگەڵ مەسعود بارزانی لەسەر کەمکردنەوەی گرژییەکانی ناوچەکە کۆدەبنەوە.

پێگەی ئەل مۆنیتۆر، لەزاری سەرچاوەیەکەوە ئاشکرایکردووە "مەسعود بارزانی سەرۆکی پارتی دیموکراتی کوردستان، لەپێناو کەمکردنەوەی گرژییەکانی ناوچەکە و پێشخستنی هەوڵەکانی ئاشتەوایی بە پاڵپشتی ئەمریکا چاوی بە مەزڵوم عەبدی، فەرماندەی هێزەکانی سوریای دیموکرات ”هەسەدە” دەکەوێت".

بەوتەی هەمان سەرچاوە "مەزڵوم عەبدی لە ئایندەیەکی زۆر نزیکدا و لە بارەگای بارزانی لە هەولێر کۆدەبێتەوە".

پێگەکە ئەوەشی خستوەتە روو، بانگهێشتنامەکە لەلایەن بارزانی لەڕێگەی نێردراوەکەی، حامید دەربەندی پێشکەشکراوە، کە رۆژی دووشەممە لەگەڵ عەبدی لە باکوری رۆژهەڵاتی سوریا کۆبووەتەوە.