بیتکۆین بۆ یەکەمجار لە مێژووی خۆیدا 100 هەزار دۆلاری تێپەڕاند
نها نیوز - هەواڵەکا
بۆ یەکەمجار لە مێژووی خۆیدا دراوی بیتکۆین زیاتر لە 100 هەزار دۆلاری تێ پەڕاند، ئەمەش لە دوای سەرکەوتنی دۆناڵد ترەمپەوەیە و پێشبینی دەکرێت ژینگەیەکی لەبار بۆ بازاڕی دراوی کریپتۆ دابین بکات .
لەدوای سەرکەوتنی ترەمپ لە هەڵبژاردنەکانی ئەمریکا بەهای بیتکۆین لەمساڵدا زیاتر لە دوو هێندە زیادی کردووە و گەیشتە ئاستێکی پێوانەیی نوێ بە 102هەزار و 888دۆلار، کە هاوکاتە لەگەڵ هەڵبژاردنی ژمارەیەکی زۆر لە یاسادانەرانی لایەنگری دراوی کریپتۆ لە کۆنگرێس.
دراوەکە بۆ چوارەم هەفتەی لەسەریەک بەرەو بەرزبوونەوەی هەفتانە دەڕوات کە زیاترە لە سەدا دە، هەروەها لە ڕێگادایە بۆ بەدەستهێنانی باشترین ئاستی مانگانەی خۆی لە مانگی شوباتەوە.
بەرزبوونەوەی بەهای بیتکۆین وایکردووە ببێتە یەکێک لە گەورەترین براوەکان لە بازرگانی بەناو گرەوکردن لەسەر سیاسەتەکانی ترەمپ بەناو بازرگانییەکان.
هاوکات، بەگوێرەی ئاژانسی ڕۆیتەرز، بەهای بیتکۆین تەنها لەمساڵدا نزیکەی لەسەدا 130 بەرزبووەتەوە.
|