هەرێم ناچێتە ژێرباری کورتهێنانی سێ مووچەکە و شاندێک لە بەغدایە

نها نیوز – هەواڵەکان

ئەو بڕی 763 ملیار دینارەی كە بڕیاری لەبارەوە دراوە بۆ مووچەی مانگی 10ی فەرمانبەرانی هەرێم ڕەوانە بكرێت، بڕی 236 ملیار دینار كورتهێنانی دەبێت بۆ تەواوكاری مووچە، حكومەتی هەرێمیش ئەو كورتهێنانی لەبەردەستدا نییە و ئەمڕۆش شاندێكی ناردووەتە بەغدا.

حكومەتی هەرێم لەنێوان دوو بژاردە ماوەتەوە بۆ ئەوەی چارەسەری كورتهێنانی مووچەی مانگی 10ی فەرمانبەرانی هەرێم بكات، بژاردەیەك ئەوەیە كە چاوەڕێبكات تا دوو 760 ملیار دیناری بۆ مووچەی مانگی 10 و 11 لەلایەن بەغداوە رەوانە بكرێت و مووچەیەكی تەواوەتی بۆمانگی 10 پێدا بەشبكات یاخود بژاردەیەكی دیكەش ئەوەیە بەهەر نرخێك بێت فشار لە عێراق بكەن 236 ملیار دیناری دیكە زیاد بكات بۆ مووچە.

بە گوێرەی زانیاریە میدیاییەکان، ئەگەر وەزارەتی دارایی عێراق سوربێت لەسەر ئەوەی كە تەنها ئەو بڕی 763 ملیار دەنێرێت، ئەوا هەرێم دەبێت بەناچاری دەست بۆ ئەو رەسیدی بانكانە ببات كە هەر بانكە و خاوەن رەسیدێكی خۆیەتی بۆ تەواوكردنی كورتهێنان، ئەگەر ئەوەش بەشی نەكرد ئەوا بەناچاری بڕیاری پاشكەوت دەدرێت بەڕێژەی جیاواز.