بۆ ماوەی 15 رۆژ لە پارێزگایەکی کوردستان قەدەغەی هاتوچۆ راگەیەندرا

نها نیوز – هەواڵەکان

پارێزگاری شرناخ لەبەر سەلامەتی گیانی هاوڵاتییەکانی بۆ ماوەی 15 رۆژ قەدەغەی هاتوچۆی لەم ناوچانە راگەیاند.

پارێزگاری شرناخ سەبارەت بە قەدەغەی هاتووچۆ لە پارێزگاکە لە هۆشداریەکدا رایگەیاندووە "بۆ ماوەی 15 رۆژ زۆر ناوچەی ناوەندی شار، وەک ناوچەکانی (جزیر، سیلۆپیا، قلەبان، ئێلک و بەسا)ـی وەک "ناوچەی ئەمنی" تایبەت ناسێندراون و هاتووچۆی تێدا قەدەغەکراوە".

ئەو پارێزگارە ئاماژەی بەوەشکردووە "چیاکانی گابار، جودی، کاتۆ و ناوچەکانی کێلە مەم، تەختەرێش و دولێ بە زۆرێک لە ناوچەکانیشەوە، لە 29ـی تشرینی یەکەمەوە تا 12ـی ئەم مانگە، وەک ناوچەیەکی ئەمنی تایبەتی کاتی ناسێندران و چوونە ژوورەوەیان قەدەغە کراوە".