کۆمسیۆن: ئەنجامى سیستمى ئەلیکترۆنى و جیاکردنەوەى دەستیی دەنگەکان هاوشێوەبوون
نها نیوز – هەواڵەکان
نەبەرد عومەر، بەڕێوەبەرى دەستەى هەڵبژاردنەکانى هەرێمى کوردستان رایدەگەیەنێت، ئەنجامى وردبینیکردنى ئەو سندوقانەى دەنگدان کۆتاییهاتووە کە کێشەیان هەبووە و ئەنجامى سیستمى ئەلیکترۆنى و جیاکردنەوەى دەستیی دەنگەکانیش هاوشێوەبوون.
ناوبراو دەشڵێت "ئەو سندوقانەى کێشەیان لەسەر بووە، بە دەستى ژماردنیان بۆ کراوەتەوە، بەڵام ئەنجامەکان هاوشێوەى ئەو ئەنجامە بووە کە سیستمى ئەلیکترۆنى سندوقەکە ئاشکرایکردووە".
نەبەرد عومەر باس لەوەش دەکات، هەرکاتێک کۆمیسیۆنى هەڵبژاردنەکان ئەنجامى کۆتایی پرۆسەى هەڵبژاردنى خولى شەشەمى پەرلەمانى کوردستانى راگەیاند، حیزب، لایەنی سیاسی و بەربژێرەکان دەتوانن لەماوەى سێ رۆژدا تانە لە ئەنجامەکانى پرۆسەکە بدەن.
|