بەفر و باران دەبارێت

نهانیوز-هەواڵەکان

بەڕێوەبەرایەتی گشتی کەشناسی هەرێم پێشبینی دەکات لە باکورو رۆژهەڵاتی هەرێم لە بەرزاییەکان بەفرببارێت و لە سلێمانی و هەڵەبجەو دهۆک ناوچەکانی تر تا دەگاتە ناوچەی سۆران بارانی مامناوەند ببارێت.

بە پێی پێشبینییەکانی کەشناسی ئەمڕۆ 21ی ئازار کەش، ئاسمان هەور دەبێت، پێشبینی دەكرێت لە ناوچەكانی باكوور و ڕۆژهەڵاتی هەرێم وەك ( پارێزگای سلێمانی و پارێزگای هەڵەبجە و پارێزگای دهۆك و ئیدارەی سۆران و ئیدارە ی گەرمیان ) نمە باران و بارانی مامناوەند ببارێت بە تایبەت لە كاتەكانی دوای نیوەڕۆ.

کەشناسی ئەوەش دەخاتەڕوو کە لە ناوچە شاخاوییە سنوریەكانی باكوور و ڕۆژهەلاتی هەرێم ئەگەری كەمێك بەفر بارین هەیە  و پلەکانی گەرما، بە نزیكەی 2 تــــا 4 پلەی سیلیزی نزمتر دەبێت لە تۆمارکراوەکانی دوێنێ وەک لەسەر نەخشەی خوارەوە ئاماژەی پێدراوە .

کەشناسی ئاشکراشی کرد کە سبەی شەممە کەش، ئاسمان نیمچە هەور دەبێت لە هەندێك ناوچە دەگۆڕێت بۆ هەوری تەواو، لە سنوری پارێزگای دهۆك كەمێك نمە باران دەبارێت و لە ناوچە شاخاوییە سنوریەكانی باكوور ئەگەری كەمێك بەفر بارین هەیە  و پلەکانی گەرما، نزیك دەبێتەوە لە تۆمارکراوەکانی ئەمڕۆ هەینی.

بەرزترین پلەکانی گەرمای پێشبینیکراوی ناوچە جیاجیاکان بە پلەی سیلیزی بەمشێوەیەیە:

هەولێر : 17 پلەی سیلیزی

سلێمانی : 15 پلەی سیلیزی

دهۆک : 17 پلەی سیلیزی 

کەرکوک : 17 پلەی سیلیزی 

زاخۆ: 15 پلەی سیلیزی

هەڵەبجە: 15 پلەی سیلیزی

سۆران : 15 پلەی سیلیزی

حاجی ئۆمەران : 5 پلەی سیلیزی

گەرمیان :24 پلەی سیلیزی