پوتین و ترەمپ پەیوەندییەک سەبارەت بە قەیرانی ئۆکرانیا ئەنجام دەدەن

نها نیوز-هەواڵەکان

ڤلادیمێر پوتین، سەرۆکی ڕووسیا و دۆناڵد ترەمپ، هاوتا ئەمریکییەکەی، پەیوەندییەکی تەلەفۆنییان سەبارەت بە قەیرانی ئۆکرانیا ئەنجامدا.

دەزگای ڕاگەیاندنی کرێملین لە بەیاننامەیەکدا ڕایگەیاندووە: "ماوەی کاتژمێرێکە سەرۆک پوتین و ترەمپ پەیوەندییەکی تەلەفۆنییان ئەنجامداوە".

لای خۆیەوە کۆشکی سپی پشتڕاستیکردەوە کە گفتوگۆکە لە کاتژمێر 5ـی پاشنیوەڕۆوە بەکاتی مۆسکۆ بەردەوامە و "بە باشی بەڕێوەدەچێت".

دان سکاڤینۆ، یاریدەدەری سەرۆک و جێگری سەرۆکی ئەرکانی کۆشکی سپی لە پۆستێکدا لە تۆڕی کۆمەڵایەتی تویتەر نووسیویەتی "ئێستا ڕوودەدات سەرۆک ترەمپ لە ئێستادا لە ئۆفیسی ئۆڤاڵدایە و لە کاتژمێر 1ـی بەیانی بە کاتی ناوەندی ئەمریکاوە قسە لەگەڵ ڤلادیمێر پوتین سەرۆکی ڕووسیا دەکات. پەیوەندییەکە بە باشی بەڕێوەدەچێت و هێشتا بەردەوامە".

مۆسکۆ و واشنتۆن گەشبینی خۆیان دەربڕی سەبارەت بە دانوستانەکانی ئەم دواییەیان، بەڵام هاوڕان لەسەر ئەوەی کە گرنگترین کێشە هەڵپەسێردراوەکان سەبارەت بە ململانێی ئۆکرانیا تەنیا لە ڕێگەی پەیوەندیی ئاست بەرزەوە چارەسەر دەکرێن.