ئاژانسی نها..
ئەندامێکی سەرکردایەتی یەکێتی رایگەیاند، بەپێی دوا پەیامی بەڕێز محمود محمد وتەبێژی پارتی دیمۆکراتی کوردستان، سێ بڕیار لەسەر ئاستی باڵا هەن بۆ کۆتایی هێنان بە زمانی زبرو گرژییەکانی راگەیاندن لەنێوان پارتی و یەکێتی، بەڵام بەشێک لە سەرکردەکانی پارتی هەرسێکی پێشێل دەکەن.
لەتیف نێروەیی ئەندامی سەرکردایەتی یەکێتی رایگەیاندووە، بەشێک لە سەرکردەکانی پارتی لە یەک کاتدا، سێ بڕیار پێشێلدەکەن کە بۆ ئاساییکردنەوەی پەیوەندییەکانی پارتی و یەکیتی بڕیاریان لەسەر دەدریت ئەوانیش..
یەکەم : پەیامێکی کاک مسعود بارزانی سەرۆکی پارتی، بەبۆنەی جەژنەوە داوا لەهەموو لایەنەکانی کوردستان کردووە کۆتای بە گرژییەکانی راگەیاندن بێنن.
دووەم:مەکتەبی سیاسی پارتی لەبەیاننامەیەکدا بەفەرمی رایگەیاندووە کە کۆتای بەبابەتی زمانی زبر دەهێنن.
سێیەم : لە دوا کۆبوونەوەی یەکێتی وپارتی لە دوکان بەفەرمی هەردوولا ڕێکەوتوون لەسەر کۆتای هێنان بە گرژییەکانی راگەیاندن لەنێوان هەردوولا.
ئاماژەی بەوەشکردووە، ئەوەی بەدی دەکرێت هەندێ بەرپرسی پارتی پابەندی ئەو سێ بڕیارە نابن و بەبەردەوامی هێرش دەکەنە سەر یەکێتی و بەردەوامن لەسەر ناوزڕاندنی هەندێ بەرپرسی یەکێتی. بەمەش لەیەک کاتدا سێ بڕیار کەلەسەر ئاستی باڵا دراون پێشێڵ دەکەن.
ئەو ئەندامەی سەرکردایەتیەی یەکێتی راشیگەیاندووە، ئەم هێرشە میدیاییەی هەندێ بەرپرسی پارتی پێچەوانەی ئەو پەیامەی وتەبێژی پارتیشە کە ئاماژە بەوەدەدات بەیەکەوە کاربکەین بۆئەوەی لەبەغدا پێگەی کورد پارێزراوبێت.