هەواڵ

گۆڕان: ریفراندۆم هەڵە بوو

ئاژانسی نها..

سکرتێری جڤاتی نیشتیمانی بزوتنەوەی گۆڕان رایگەیاند، ریفراندۆمی سەربەخۆی هەرێمی کوردستان لە کاتێكی هەڵە و بێ بەرنامە و بێ ئاڕاستە ئەنجام درا.

عەدنان عوسمان، سکرتێری جڤاتی نیشتیمانی بزوتنەوەی گۆڕان لە پەرەی فەرمی خۆی لە تویتەر بڵاویکردووەتەوە، لە ساڵیادی ریفراندۆمی 25/9/2017، لەبری ستایش و رەخنە، تەخوین و نیشتمانپەروەری، با پرسیارێکی سادە بکەین: ئاکامەکەی چیبو؟هەرێم لەپێش و لەپاش ئەو پرۆسەیە لەکوێی هاوکێشەکانە؟ سەنگی هەرێم لەبەغدا، ناوچەکە، دۆسیەی سەروەری، نەوت، دەروازەکان، ئابوری سەربەخۆ و ناوچە جێناکۆکان لەچ قۆناغێکە دایە؟.

ئاماژەی بەوەشکردوە، لەراستیدا ریفراندۆمی 2017، هەم لە کاتێکی هەڵە، هەم بێ بەرنامە و بێ ئاراستە بو، وردبینیشی تیانەکرابو، ئێستاش نازانرێت ئەمە بە چ حیکمەت و پلان و بۆ چ مەبەستێک بو؟ سەربەخۆیی پێویستی بەریفراندۆم نەبو، پێویستی بەئیرادەی نوخبەی سیاسی و فەراهەم کردنی پایە راستەقینەکانی دەوڵەتداری بو".
2020-09-24
زیاتر...