کورتهێنان بۆ خشتەی بودجەی 2025 دروست دەبێت
نها نیوز – هەواڵەکان
سەرۆکی لیژنەی دارایی لە پەلەرمانی عێراق لەبارەی ئامادەكردنی خشتەی بودجەی ساڵی 2025 رونکردنەوە دەدات و دەڵێت "ئەگەر هەیە کورتهێنان دروست ببێت".
عەتوان عەتوانی، سەرۆکی لیژنەی دارایی لە پەرلەمانی عێراق رایگەیاند "حکومەت سەرقاڵی ئامادەکردنی خشتەی بودجەی 2025ە و ئەگەری کورتهێنان هەیە".
عەتوانی ئاماژەی بەوەشکرد، حكومەت ئامانجی بەدیهێنانی گەشەپێدان و زیادكردنی داهاتە نانەوتیەكان و سەقامیگری زیاترە لە ئابووری وڵاتدا، ناوبراو وتیشی "بودجەی بەكاربردن خەریكە درێژدەبێتەوە بۆ بودجەی وەبەرهێنان، ئەوەش بارگرانی بۆ بودجە زیاد دەكات و ئامانجەكانی سنوردار دەکات، بۆیە پێویستمان بە داهاتی نانەوتی زیاترە".
سەرۆکی لیژنەی دارایی لە پەرلەمانی عێراق ئاشکراشیکرد "حكومەت بەردەوامە لە گێڕانەوەی ئەو قەرزە دەرەكییانەی لەسەریەتی، لەبەرامبەر ئەوەدا چەندین پرۆژەی خزمەتگوزاری چووەتە بواری جێبەجێکردنەوە".
|