حکومەتی عێراق ئامانجی کۆبونەوەکەی تەیف سامی و هەرێم ئاشکرا دەکات
نها نیوز – هەواڵەکان
دواى کۆبونەوەی هەردوو ئەنجومەنی وەزاریی ئابووریی حکومەتی کاربەڕێکەر هەرێم و عێراق لە هەولێر، حكومه‌تى عێراق لە راگەیەندراوێکدا ئامانجی کۆبونەوەکەی بە لێکتێگەیشتن وەسفکردووە و زانیاری زیاتریش ئاشکرا دەکات.
حكومه‌تى عێراق لەمیانی راگه‌یه‌نراوێكیدا ئامانجی کۆبوونەوەکە ئاشکرا دەکات و دەڵێت "لێکگەیشتنی حکومەتی فیدراڵی و حکومەتی هەرێمی کوردستانە سەبارەت بە پرسە جۆراوجۆرەکان بەتایبەت دۆسیەکانی پەیوەست بە پرسە ئابووری و داراییەکان".
ئەوەش هاتووە "بڕیارە کۆبوونەوە هاوبەشەکان بۆ ماوەی دوو رۆژ لە شاری هەولێر بخایەنن".
هەر بەگوێرەی راگەیدنراوەکە بێت، کۆبوونەوەکە دانیشتنی تەکنیکی تایبەتمەند و دانیشتنی هەماهەنگی لەخۆدەگرێت بە ئامانجی یەکخستنی دیدگاکان و گەیشتن بە چارەسەری کاریگەر.
پێش نیوەڕۆی ئەمڕۆ یەکشەممە، كۆبونه‌وه‌ی ئه‌نجومه‌نی وه‌زاری ئابووری عێراق و هه‌رێمی كوردستان له هۆڵی سه‌عد عه‌بدوڵا له شاری هه‌ولێر ده‌ستیپێكرد و تەوەری سەرەکی کۆبونەوەکە بریتیبوو لە ماف و شایسته‌ی دارایی و بودجه‌ی هه‌رێمی كوردستان.
|