حەج و عومرەی هەرێم داوایەک لە هاوڵاتییان دەکات
نها نیوز – هەواڵەکان
بەڕێوەبەرایەتیی گشتیی حەج و عومرەی هەرێم داوا لە هاوڵاتییان دەکات، لەگەڵ ئەو کۆمپانیایانەدا گەشتی عومرە ئەنجامنەدەن کە گرێبەستیان لەگەڵ بەڕێوەبەرایەتییەکەیاندا نییە.
بەڕێوهبهرایهتیی گشتیی حهج و عومرهی ههرێمی کوردستان لە راگەیەندراوێکدا بڵاویکردەوە، بۆ بەرژەوەندیی گشی و پاراستن و پێنەگەیشتنی زیان، پێویستە هاوڵاتییان لەگەڵ ئەو کۆمپانیایانەدا گەشتی عومرە ئەمجام نەدەن کە گرێبەستیان لەگەڵ بەڕێوەبەرایەتییەکەدا نییە و مافی خۆیانە داوای بینینی گرێبەستەکە لە کۆمپانیاکان بکەن.
ئەوەش هاتووە، ئەمساڵ زیاتر لە 90 کۆمپانیا سزادراون کە مۆڵەتی کارکردنیان نەبووە و سەرپێچیی رێنماییەکانیان کردووە.
بەڕێوەبەرایەتییەکە دەشڵێت، لە داهاتوویەکی نزیکدا ناوی سەرجەم کۆمپانیاکان بڵاودەکەنەوە کە مۆڵەتیان هەیە، بەپێچەوانەوە بەرپرسیارێتیی هیچ گرفتێک هەڵناگرن کە رووبەڕووی ئەو هاوڵاتییانە دەبێتەوە لەگەڵ کۆمپانیا و کەسانی رێگەپێنەدراودا کار بکەن.
داواش لە فڕۆکەخانەکان و دەروازەی عەرعەر دەکات، کە لەو بابەتەدا هاوکاریان بن و چاودێریی پرۆسەکە بکەن.
|