پارە گەیشت و سبەینێ بەسەر بەشێك لە مووچەخۆرانی هەرێمدا دابەشدەكرێت
نها نیوز – هەواڵەکان
سەرچاوەیەک لە وەزارەتی پێشمەرگە رایگەیاند، هاوكاریی هێزەكانی هاوپەیمانان گەیشتووە و بڕیارە سبەینێ چوارشەممە بەسەر لیوا هاوبەشەکان دابەشبکرێت.
سەرچاوەیەک لە وەزارەتی پێشمەرگە ئاشکرایکرد "سبەینێ هاوکاریی هێزەکانی هاوپەیمانان بۆ مانگی تەمموز دابەشدەكرێت، کە بڕەکەی 432 هەزار دینارە بۆ هەر پلەدار و پێشمەرگە و ئەفسەرێکی لیواکانی پیادەی سەر بە وەزارەتی پێشمەرگە.
بەوتەی سەرچاوەکە "فەرماندەیی پشتیوانیی دوو کە لە مانگەکانی رابردوودا بێبەشبوون لە هاوکارییەکە لەم مانگەوە هاوکارییەکە وەردەگرن.
ئەوەشی خستە روو "سەرجەم ئەو لیوا و فەوجانەی دیکە کە بێبەشبوون لەم هاوکارییە کێشەکەیان چارەسەرکراوە و لە مانگی داهاتووەوە هاوکاریی هاوپەیمانان وەردەگرن".
|