ئێستا گەیشت.. خۆپیشاندانی پێشمەرگە دەستیپێکرد

نها نیوز – هەواڵەکان

دوای راگیرانی هاوکارییەکانی هاوپەیمانان، کەمێک پێش ئێستا، نزیکەی دوو هەزار و 500 پێشمەرگەی لیوای 9ی پیادە لە ناحیەی تەیناڵ سەر بە قەزای بازیان، دژی بڕینی هاوکارییەکان دەستیان بە خۆپیشاندان کرد.

پیرۆت حوسێن، نوێنەری پێشمەرگە ناڕازییەکان دەڵێت "پێشتر چەند مووچەیەکمان فەوتاوەوە و هاوپەیمانان بۆیان خەرج کردووینەتەوە، دەمانەوێت بزانین هۆکاری سەرەکیی راگیرانی هاوکاریی هاوپەیمانان بۆ هێزەکەمان چییە.

باس لەوەش دەکات "بەپێ ئەو زانیارییانەی هەمانە لە ساڵی 2020 ئێمە لە هاوکاریی هاوپەیمانان دەرکراوین و ئەو هاوکارییە خراوەتە سەر وەزارەتی دارایی.

بە وتەی نوێنەری پێشمەرگە ناڕازییەکان بێت "لە ئێستادا حکومەتی عێراق هاوکارییەکەی خەرجکردووە، بەڵام ناگاتە دەست ئێمە و دوو هەفتەیە ئەم کێشەیەمان هەیە.