تەیف سامی لیستی پێشمەرگە بۆ مانگی شەش رەتدەکاتەوە
نها نیوز - هەواڵەکان
بەگوێرەى دوو سەرچاوەى ئاگادار، وەزارەتى دارایی عێراق لیستى مووچەى مانگى شەشی پێشمەرگەى پەسەند نەکردووە و ئاڕاستەى حکومەتى هەرێمى کوردستانى دەکاتەوە، لیژنەیەکیش وردبینى لە لیستەکەدا دەکات.
سەرچاوەیەک لە وەزارەتى پێشمەرگە بە میدیای یەکێتی دەڵێت "بە پاساوى کێشە و کەموکورتى، وەزارەتى دارایی عێراق لیستى مووچەى مانگى نیسانى پێشمەرگەى پەسەند نەکردووە و داوایکردووە گۆڕانکاریى تێدابکرێت.
ئەو سەرچاوە ئاماژە بەوەش دەکات "وەزارەتى دارایى بە لایەنى حکومەتى هەرێمى کوردستانی راگەیاندووە، لە بەغداوە شاندێک رەوانەى هەولێر دەکات بۆ چاککردنەوەى لیستى مووچەى پێشمەرگە.
بەوتەی ئەو سەرچاوەیەی دیکە وەزارەتی پێشمەرگە "وەزارەتى دارایى عێراق تێبینى لەسەر لیستێکى مووچەى پێشمەرگە هەیە و بۆ وردبینى تەواو لە لیستى هێزەکانى حەفتا و هەشتا لیژنەیەک هاتووەتە هەرێمى کوردستان و سەرقاڵى وردبینییە.
لای خۆشیەوە سەرچاوەیەک لە ئەنجوومەنى وەزیرانى عێراق پشتڕاستیکردەوە "تەیف سامى، وەزیرى دارایی عێراق لیستى مووچەى مانگى حوزەیرانى پێشمەرگەى پەسەند نەکردووە، سورە لەسەر ئەوەى لیستەکە چاکبکریتەوە، یاخود سەرۆکوەزیرانى عێراق بڕیارى خەرجکردنى مووچەى هێزەکانى پێشمەرگە بدات.
ئەوەش لەکاتێکدایە، حکومەتى عێراق تاوەکو ئێستا بەتەنیا مووچەى نیسانى هێزە ئەمنییەکانى خەرجکردووە کە بڕەکەى 344 ملیار و 875 ملیۆن دینار بووە.
|