ته‌ندروستی هه‌رێم له‌سه‌ر به‌كارهێنانی ده‌رمانه روسییه‌كه بۆ نه‌خۆشانی كۆرۆنا روونكردنه‌وه بۆ نها ده‌دات
ئاژانسی نها...
وته‌بێژی ته‌ندروستی هه‌رێم رایگه‌یاند، دوای ئه‌وه‌ی له‌لایه‌ن ته‌ندروستی عێراقه‌وه ده‌رمانه روسییه‌كه په‌سندكرا، له سبه‌ی دووشه‌ممه‌وه ده‌ستبه‌دابه‌شكردنی ده‌كرێت.
د. محەمەد قادر، وتەبێژی وەزارەتی تەندروستی ھەرێمی كوردستان به ئاژانسی هه‌واڵی نهای راگه‌یاند، دوای ئەوەی لەلایەن تەندروستی عێراق دەرمانەكە پەسند كرا، بڕیارە سبەی دەست بكرێت بە دابەشكردنی ئەو دەرمانە رووسییە كە لە لایەن كۆمپانیایەكی ناخۆ بەرھەمھێندراوە و بۆ تووشبووانی كۆرۆنا بەكاردەھێندرێت.
ئاماژه‌ی به‌وه‌شكرد، بەپێی ئەو توێژینەوە و ھەڵسەنگاندنانەی لەسەر دەرمانەكەو كراوە، دەرئەنجامی كاریگەری ھەبووە بۆ تووشبووانی كۆرۆنا، كە توندی نەخۆششەكە و ھەروەھا رێژەی مردن كەمدەكاتەوە.
|