وەزارەتی دارایی دوا بڕیاری لەبارەی (هەژماری من)ەوە راگەیاند
نها نیوز – هەواڵەکان
ئاوات شێخ جەناب، وەزیری دارایی هەرێم دوا بڕیار لەبارەی (هەژماری من)ەوە دەدات و دەڵێت "تا 1ی ئەیلولی ئەمساڵ مۆڵەت بە فەرمانبەرانی مەدەنی و کارمەندانی لیوا هاوبەشەکان دەدرێت بۆ خۆ تۆمارکردن لە هەژماری من".
ئاوات شێخ جەناب، وەزیری دارایی و ئابووری هەرێمی کوردستان لە كۆبوونەوەیەكدا لەگەڵ تیمی سەرپەرشتیاری پرۆژەی (هەژماری من) دوا بڕیار دەدات و دەڵێت "جێبەجێکردنی پرۆژی (هەژماری من) هەنگاوێکی گرنگە بۆ ڕوبەڕوبونەوەی گەندەڵی و نەهێشتنی دوو موچەیی و ڕێگری لە سپیکردنەوەی پارە و خۆدزینەوە لە باج و چەندین خزمەتگوزاری دارایی و بانکی پێشکەش بە فەرمانبەران و موچەخۆران دەکات.
ئاوات جەناب بڕیارەکەی ئاشکراکرد و رایگەیاند "تا 1ی ئەیلولی ئەمساڵ مۆڵەت بە فەرمانبەرانی مەدەنی و کارمەندانی لیوا هاوبەشەکان بدرێت لە پارێزگای هەولێر کە تائێستا خۆیان لە پرۆژەکە تۆمار نەکردووە.
|