ئەم هەفتەیە دەرمانە روسییەکە دەگاتە عێراق
بڕیاروایە تیمێکی شارەزا و پسپۆڕی تەندروستیی عێراقی سەردانی روسیا بکەن بەمەبەستی چاودێریکردنی تاقیکردنەوەکان لەسەر دەرمانی ئەڤیفاڤێر کە لەچارەسەری تووشبووانی کۆرۆنادا بەکاردێت، چاوەڕێشدەکرێت کۆتایی ئەم هەفتەیە بگاتە عێراق بۆ بەکارهێنان.
د. زیاد حازم شارەزای بواری دەرمان رایگەیاند، دەرمانەکە لەساڵی 1995ەوە لەوڵاتی ژاپۆن دروستکراوە و روسیا پەرەی پێداوە.
ئەو پسپۆڕە عێراقییە دەشڵێت، ئەو دەرمانە رووسییە لەماوەی چوار رۆژدا کاریگەریی خۆی دەبێت و نەخۆش چارەسەر دەکات لەجیاتی ئەوەی 14 رۆژی پێبچێت.
بەوتەی د. حازم دەرمانەکە 90٪ ی تووشبووانی کۆرۆنای لەڕووسیا چاککردۆتەوە و لەماوەی 10 رۆژی رابردووس رێژەی چانبوونەوەی لەڕووسیا بۆ ئاستێکی باش بەرزکردۆتەوە.
|