هەواڵ

له‌سه‌ر موچه‌.. وه‌زاره‌تی دارایی هه‌رێم روونكردنه‌وه‌ ده‌دات

ئاژانسی نها...

وەزارەتی دارایی و ئابووری حكومەتی ھەرێمی كوردستان رایگه‌یاند، ئەوەی لە ھەندێك ماڵپەڕ و پەیج سه‌باره‌ت به‌ كه‌مكردنه‌وه‌ی موچه‌ی فه‌رمانبه‌ران دەگوترێت دوورە لە راستییەوە و بابەتی كەمكردنەوەی مووچە لە كارنامەی كۆبوونەوەی 3ی حوزه‌یران  ئەنجومەنی وەزیرانی ھەرێمی كوردستان دا نەبووە .

له‌ راگه‌یاندراوێكدا وه‌زاره‌تی دارایی و ئابوری حكومه‌تی هه‌رێم رایگه‌یاندووه‌، سەرباری خراپی دۆخی دەروونی و تەندروستی و دارایی و ئابووری، هەندێك کەس و پەیج و سایت و لایەن، یاری و موزایەدە بە هەست و سۆزی ھاووڵاتیانی ھەرێمی کوردستان بەگشتی و فەرمانبەران و مووچەخۆران بەتایبەتی دەکەن. کە گوایە لە کۆبوونەوەی 3ی حوزه‌یراندا  بابەتێکی کۆبوونەوەکە کەمکردنەوەی مووچەی فەرمانبەرانی هەرێم بووە. ئەمە چەواشەکارییە و دوورە لە راستییەوە، بۆ هەموو لایەکی رووندەکەینەوە لە کارنامەی کۆبوونەوەکە  بابەتی کەمکردنەوەی مووچەی تێدا نەبووە".

2020-06-06
زیاتر...