هەواڵ

سەرۆکی پەرلەمانی کوردستان پەیامێکی پیرۆزبایی بڵاوکردەوە

ئاژانسی نها...

رێواز فایەق سەرۆکی پەرلەمانی کوردستان بەبۆنەی هاتنی جەژنی رەمەزانی پیرۆز پەیامێکی بڵاوکردەوە و رایگەیاند، ئومێده‌وارین ئەم جەژنە ببێتە مایەی ئارامی و ئۆقرەیی بۆ سەرجەم كوردستانيان و ئاسەوارەکانی نەخۆشی و ناخۆشی و قەیرانەکان بەرۆکمان بەردات.

دەقی پەیامەکە...

بەبۆنەی هاتنی جەژنی ڕەمەزانی پیرۆزەوە، گه‌رمترين پيرۆزبايى خۆمان ئاڕاسته‌ى سەرجەم موسڵمانانی کوردستان و عێراق و جیهان ده‌كه‌ين، ئومێده‌وارین ئەم جەژنە ببێتە مایەی ئارامی و ئۆقرەیی بۆ سەرجەم كوردستانيان و ئاسەوارەکانی نەخۆشی و ناخۆشی و قەیرانەکان بەرۆکمان بەردات.

مانگی ڕەمەزانی پیرۆز، مانگی لێبووردەیی و پاکبوونەوەی ڕۆح و دەروونی مرۆڤەکانە، خۆشییەکانی لە ناو سرووتەکانی جەژندا پیرۆز دەکرێن، ھیواخوازم لەم جەژنەدا خەڵکی کوردستان ئامێزی تەبایی و برایەتی بۆ یەکتر بکەنەوە،و لایەنە سیاسیەکانیش ناکۆکیەکانیان وەلابنێن ،و سەرەتایەکی نوێی بونیادنراو لەسەر متمانە؛بۆ یەکڕیزی نیشتمانی دەستپێبکەن،بۆ ئەوەی سەقامگیری یەکجارەکی باڵ بەسەر کوردستاندا بکێشێت.

دووباره‌ جه‌ژنتان پيرۆز بێت و، خوای گه‌وره‌ ڕۆژوو و تاعەت و نزاكانتان قبووڵ بكات،هه‌ميشه‌ له‌ ئارامی و سەرفرازیدا بژین.

د. ڕێواز فايه‌ق

سه‌رۆكی په‌رله‌مانی كوردستان

٢٣/٥/٢٠٢٠
2020-05-23
زیاتر...