نها دوایین ئاماری كۆرۆنا له هه‌رێمی كوردستان ئاشكرا ده‌كات
ئاژانسی نها..
بەپێی دوایین ئامارەکانی حکومەتى هەرێمی کوردستان لەئێستادا ٤٦١ کەس تووشی کۆرۆنا بوو، کە لەسەدا ٨٣.٥ی تووشبووان چاکبوونەتەوە، به‌ڵام حاڵه‌ته‌كانی توشبوون به كۆرۆنا ده‌ستیاپێكردوه‌ته‌وه.
له ئێستادا پارێزگاى هەولێر زۆرترین تووشبووی تێدا تۆمارکراوە، بەجۆرێک لەسەدا ٥٠ی تووشبووانی هەرێمی کوردستان پێکدەهێنێت، کە لەو ڕێژەیە ٢١٠ کەس چاکبوونەتەوە و ٢٢ کەس لەژێر چارەسەردان و کەسێکیش گیانی لەدەستداوە.
هاوكات له پارێزگای سلێمانی کە لەسەدا ٤٠ی هەموو تووشبووانی هەرێم پێکدەهێنێت، کە لەناویاندا ١٣٤ کەس چاکبوونەتەوە و ٤٧ کەس لەژێر چارەسەردان و چوار کەسیش گیانی لەدەستداوە.
له پارێزگای هەڵەبجە لەسەدا ٤.٧ی تووشبووانى هەرێم پێکدەهێنێت و هەموویان چاکبوونەتەوە و لەئێستادا هیچ تووشبوویەکی تێدا نییە، له پارێزگای دهۆکیش کە لەسەدا ٤.٥ی تووشبووانی هەرێم پێکدەهێنێت، لەئێستادا ١٩ کەسیان چاکبوونەتەوە و دوو کەسیش لەژێر چارەسەردان.
|