ئایا شاری سلێمانی لە رۆژانی جەژندا قەدەغەی هاتوچۆ جێبەجێ دەکات؟
ئاژانسی نها...
وتەبێژی هاتوچۆی سلێمانی،رایگەیاند، هەموو ئەو بڕیارانەی وەزارەتی ناوخۆ دەریکردووە بۆ قەدەغەی هاتوچۆ و تۆمارکردنی ئەوانەی سەرپێچی دەکەن، ئێمە وەک لایەنی جێبەجێکار پێوەی پابەند دەبین".
کاروان محەمەد وتەبێژی بەڕێوەبەرایەتیی هاتوچۆی سلێمانی، بە ئاژانسی هەواڵی نهای راگەیاند، ئەو ڕاگەیەندراوەی وەزارەتی ناوخۆ سەبارەت بە قەدەغەی هاتوچۆ لە ڕۆژانی جەژن بڵاویکردەوە، هەموو ڕێکارەکانی تێدا دیاریکراوە و ئێمەش جێبەجێیان دەکەین.
ئاماژەی بەوەشکرد، بەپێی بەیانی ژمارە (19)ی وەزارەتی ناوخۆی حکوومەتی هەرێم سزاکان جێبەجێ دەکەین، کە هەر شۆفێرێک جارێک سەرپێچی قەدەغەی هاتوچۆ بکات بە بڕی 100 هەزار دینار سزا دەدرێت، هەر شۆفێرێک بۆ دووەم جار و زیاتر سەرپێچی بکات بە بڕی 300 هەزار دینار سەرپێچی و دەستبەسەرداگرتنی ئۆتۆمبێلەکەی بۆ ماوەی پێنج ڕۆژ سزا دەدرێت.
وەزارەتی ناوخۆی حکومەتی هەرێم بڕیاری قەدەغەی هاتوچۆی بۆماوەی ٧٢ کاتژمێر لە ڕۆژانی جەژندا دەرکردوە و رایگەیاندووە، هێزە ئەمنییەکان دەگەڕینەوە سەر شەقامەکان.
|